Oficina de Medio Ambiente

Blog dedicado as actividades que realiza a oficina medioambiental da Universidad da Coruña

XORNADA ELIMINACIÓN DE INVASORAS



Facultade de Ciencias
Xoves, 23 de febreiro
oma3@udc.es
____________________________________________________________________________________________

A Oficina de Medio Ambiente (OMA) organiza o vindeiro día 23 de febreiro unha xornada de voluntariado ambiental, nesta ocasión o traballo a realizar será a eliminación de  flora exótica-invasora.

A xornada comezará ás tres e media da tarde, no Salón de actos da Facultade de Ciencias no Campus da Zapateira. Ramsés Pérez, explicaranos antes de saír ao campo cal é a problemática das especies exótico-invasoras.


A continuación, sairemos ao Monte da Fraga a identificar as diferentes especies e continuar a labor de  eliminación. O monte da Fraga é un espazo de monte que pertence a Universidade no que levamos once anos tratando de transformar o eucaliptal nun bosque autóctono.

Darémosvos material necesario, pero é preciso que traiamos roupa e calzado axeitado para camiñar polo monte.

A realización da actividade ven condicionada polo tempo, polo que se aprazaría se chovese ou houbese condicións climatolóxicas adversas ese día.



A OMA recórdavos que polo convenio que ten asinado con Oficina de Voluntariado, todas as persoas que realicen 15 horas de actividades de voluntariado ambiental terán a súa correspondente acreditación.

Para unha mellor organización da actividade, pedimos que vos anotedes en oma3@udc.es 

Segue todos os detalles minuto a minuto no noso Facebook ou Twitter. Séguenos! 

XORNADA SOBRE A RECICLAXE



Onte pola tarde estivemos na Facultade de Ciencias da Educación. Alí os compañeiros da OMA teñen activo o proxecto GreenCampus e estiveron ensinándolle aos estudantes da Facultade os pasos máis importantes para unha correcta reciclaxe.

Explicación de María de ADEGA sobre a importancia da reciclaxe

María, de ADEGA, deu unhas pequenas pinceladas sobre o tema e a importancia da reciclaxe do papel. A reciclaxe do papel fai que un folio, unha caixa de zapatos ou un xornal poida ter moitas vidas, ata oito! Se houbese unha maior cantidade de papel reciclado, evitaríase a corta de moitas árbores que son prantadas única e exclusivamente para producir celulosa en factorías como ENCE, en Pontevedra. Estas especies, como o eucalipto, está a provocar graves danos medioambientais na nosa terra, xa que debaixo deles o solo fica infertil ao longo dos anos e a flora e a fauna e case nula, ademáis de ser unha especie que favorece a propagación do lume nos veráns cada vez máis secos e baixa o nivel freático pola cantidade de auga que precisa. Por eso comprar papel reciclado é unha alternativa!



Na Facultade colocáronse na última semana unhas "illas de reciclado" e para estudar o seu uso onte, coa colaboración de máis de trinta alumnos, fíxose unha ispección para nun futuro saber o progreso. Despois dunha primeira inspección por riba, fíxose a pesado de todas as papeleiras do centro. Nas depósitos de inorgánico e orgánico, hai unha mestura do 50%, indistintamente de ser para un tipo ou o outro.




É por isto, que se decidiu facer unha serie de carteis para identificalos correctamente e incentivar o uso destes por parte do estudantado, así como os de papel.



Todas as fotos da xornada no seguinte enlace


CRÓNICA DA III XORNADA SOBRE CAIXAS NIÑO

O pasado día 25 de xaneiro, tivo lugar a III Xornada sobre caixas niño que ven organizando a Oficina de Medio Ambiente da UDC dende xa fai uns anos.

No salón de actos tivemos o pracer de escoitar a Damián, de Habitat, que nos explicou as características máis básicas da caixas niñoen función de cada especie e fixo un percorrido pola fauna ornitolóxica que se pode avistar nos Campus de Elviña e da Zapateira, explicandonos os cambios que sufriron estas veigas e como lle afectaron aos paxaros que nelas habitaban.


A continuación, Ramsés, de ADEGA, explicounos os mellores lugares para a súa instalación, e tamén nos presentou outras tipoloxías de caixas para outras especies, como podían ser os morcegos, das que temos instaladas un par delas no Campus da Zapateira.

Durante a exposición, foron varios os asistentes que se interesaron polo uso das caixas niño para outros ámbitos, relacionados por exemplo co control da vespa velutina.

Acto seguido, como estaba programado, saimos ao espazo que hai entre Arquitectura e Ciencias, onde estaban instalados tres caixas niño. Tras unha revisión volvemos colocar as que estaban en bo estado e levamos para arranxar aquelas que non estaban nas mellores condicións.







Nas caixas atopamos distinto material que as aves utilizaron para facer os seus niños, pero tamén pequenos niños primarios de avespas velutinas, ademáis de insectos e arácnidos. 

Todas as fotografias no seguinte enlace: Fotos



A UDC no ranking GreenMetric 2016

O GreenMetric Ranking of World Universities compara os esforzos das universidades cara a sustentabilidade ambiental e as políticas de xestión respectuosas co ambiente. Elaborado pola Universidade de Indonesia, o ranking contou cunha de 516 universidades de 75 países na última edición de 2016.

A Universidade da Coruña presentouse por primeira vez en 2016 e acadou a posición 149 a nivel mundial (percentil 71), e o número 13 a nivel estatal, dun total de 27 universidades españolas, sendo a primeira do Sistema Universitario Galego. O ranking está encabezado pola Universidade de California Davis; e en España, pola Autónoma de Barcelona. 



A información do ranking organízase en seis categorías: infraestruturas, enerxía e cambio climático, xestión de residuos, uso da auga, transportes e educación. A UDC destaca especialmente en educación (posición 47 a nivel mundial e 71,3% da puntuación máxima), e tamén en xestión de residuos (posición 126 e 73,7%), seguida de enerxía e cambio climático (posición 157 e 44,1%).


En relación coa puntuación máxima posible, a UDC sitúase entre o 37,5% en auga e o 73,7% en residuos, mentres que a posición percentil con respecto ao total de universidades vai do 23,4% en localización e infraestrutura ao 90.9% en educación. A diferenza entre ambos índices pódese considerar indicativa da posición de vantaxe da UDC en cada temática sobre a situación das universidades en xeral. A diferenza é positiva en todas as temáticas agás na de localización e infraestrutura, na que é negativa. A posición da UDC é relativamente máis forte en enerxía e cambio climático (+25,4% na diferenza entre a posición percentil e a porcentaxe do máximo), educación (+19,6%) e auga (+14,1%).

Se queredes máis información, botádelle un ollo ao informe Green Campus ou no seguinte enlace

III XORNADA SOBRE CAIXAS NIÑO


Xornada sobre caixas niño
Facultade de Ciencias
25 de xaneiro-15h30
____________________________________________________________________________________________



O vindeiro día 25 de xaneiro a Oficina de Medio Ambiente da UDC organiza unha xornada sobre 'caixas niño' na Facultade de Ciencias. 

Comezaremos cunha charla no salón de actos da Facultade de Ciencias ás 15h30 na que se nos dirá cal é o obxetivo das caixas, como se constrúen, os seus beneficios para a fauna, para a boidiversidade... Os relatores serán Ramsés Pérez de ADEGA e Cosme Damián Romay de GN-Hábitat. De seguido faremos unha saída ao campo, ás 16h15 para comprobar o estado das que xa colocamos o ano pasado no Campus. A diferenza de outros anos, os participantes non construirán cada un súa caixa niño, xa que se prioriza divulgar cal é a súa función e revisar as instaladas outros anos. 



A tala dos bosques autóctonos e a substitución por monocultivos, así como a retirada das árbores vellas dos montes, ten entre outras consecuencias, a desaparición de multitude de buracos necesarios para que moitas especies de animais nidifiquen ou se refuxien. A construción de caixas niño e outros abrigos para a fauna (paxaros, mamíferos, anfibios...) contribúe a paliar este impacto favorecendo á biodiversidade. 

Por outra banda a construción de refuxios contribúe a reutilización. Para elaborar unha caixa niño ou calquera outro refuxio non se precisan grandes investimentos, nin ferramentas sofisticadas, nin mercar madeiras que contribúan a tala de máis árbores. Con esta actividades podemos dar uso a unhas vellas táboas empregando a ferramenta habitual.

Prazas limitadas. Inscríbete en oma3@udc.es

Máis información do noso Facebook, Twitter ou neste blog no que se van publicando todas as novas! 
Vémonos o día 25! 

CRÓNICA DA VII XORNADA DA SUSTENTABILIDADE

O pasado día 1 de decembro celebrouse na Facultade de Dereito a VII Xornada da Sustentabilidade, promovendo entre os universitarios da Coruña uns hábitos de consumo menos agresivos para o medio ambiente ao longo do ano, e en especial nestas datas de Nadal onde o consumismo nos invade por todas partes. 



Durante todo o día, houbo un gran número de obradoiros, coloquios, exposicións das distintas asociacións que participaron. Tamén o persoal bolseiro da OMA mostrou parte do seu traballo e animou a xente a participar nas actividades que se organizaban, informando do contido, horario e repartindo ao mesmo tempo un pequeno agasallo para este Nadal: un libriño de papel reutilizado. Alí estiveron Arquitectura sen fronteiras, Mar de mares, Grupo naturalista Hábitat, CEIDA, Equus Zebra, Mobilízate pola selva, Enxeñería sen fronteiras, Mulleres colleiteiras, Espiga, asociación Mobi-Liza por unha mobiidade sustentable, Oficina de Cooperación e voluntariado da UDC, CIFP Someso xunto con Juan Bello que nos mostrou a exposición de fornos solares e ADEGA.


Durante o turno de mañá, os compañeiros da Oficina de Voluntariado da UDC enseñaronnos a facer macetas autorreglables (todo un éxito entre os asistentes) e productos de limpeza. Mobiliza propuxo un contacontos sobre mobilidade en bicicleta e Habitat axudounos a facer as pegadas de fauna ao longo de toda a mañá! Gústavos a nosa macetiña? 


Pola tarde comezamos co obradoiro impartido por ADEGA para facer xabón e cosméticos naturais. Que ben ulía o bálsamo labial de laranxa... 


Seguimos rápidamente coa charla que nos ofreceron dende VdeVegetal sobre alimentación saudable e aprendemos moitísimas cousas sobre o que comemos e fomos pechando a xornada co curso que impartiu Mobiliza sobre ergonomía e mecánica basica da bicicleta e puxemos o final cos amigos de Enxeñaría sen Fronteiras e Amigos da Terra que nos falaron sobre a obsolescencia programada! 









Todas as fotografías da xornada no seguinte enlace da Xornada 

Arquitectura sen Fronteiras- http://galicia.asfes.org/
Grupo naturalista hábitat- http://gnhabitat.blogspot.com.es/
Oficina de Voluntariado da UDC http://www.udc.es/ocv/?language=es
Mobilízate pola selva- http://www.movilizateporlaselva.org/es/
Enxeñería sen fronteiras- http://esfgalicia.blogspot.com.es/

Calquera dúbida que teñades, estamos no noso mail, no facebook ou twitter! Vémonos para a seguinte! 




VII XORNADA DA SUSTENTABILIDADE




Xornada de Sustentabilidade
Facultade de Dereito-Elviña
1 de decembro


A Oficina de Medio Ambiente da UDC vai celebrar a VII Xornada da Sustentabilidade o próximo 1 de decembro na Facultade de Dereito.   

        Obradoiros

        Durante todo o día haberá distintos obradoiros gratuítos. Se queres participar en algún obradoiro, inscríbete en oma3@udc.es. 







            Charla Obsolescencia Programada
      Póla tarde, ás 18 horas, será un dos pratos fortes da xornada coa charla sobre Obsolescencia programada de man de Amigos da Terra e Enxeñaría sen fronteiras. No salón de graos da facultade.

        Sabes que relación hai entre os nosos aparellos electrónicos e o Congo? Qué relación existe coa obsolescencia programada? É posible unha electrónica ética?

           A estas preguntas que tantas veces te fixeches, moitas veces sen resposta, tentarán respostar os compañeiros de Amigos da Terra e de Enxeñaría sen Fronteiras.

          Despois da emisión do programa de Salvados no Congo, evictims, sobre os efectos do consumo masivo de tecnoloxía que facemos en occidente, estas dúas organizacións seguirán afondando nas implicacións deste consumismo, a súa relación ca obsolescencia programada e se existen alternativas como a electrónica ética.
          María Fernández, de Amigos da Terra, achegaranos ao fenómeno da obsolescencia programada así como as súas implicacións sociais e ambientais no uso dos recursos naturais no norte e no sur. Así mesmo, tamén se mostrará a vinculación da obsolescencia ca redución, reutilización e a reciclaxe de residuos.
         Por outra banda, Pepe Vara, de Enxeñería sen Fronteiras, comentarannos de como afecta este concepto aos aparellos eléctricos e se realmente é posible falar de electrónica ética. 

   Na mesma liña de dar alternativas, Amigos da Terra, presentará o proxecto Alargascencia así como medidas sinxelas e prácticas que todos e todas podemos levar a cabo. 

          Ao longo da charla proxectaranse dous cortos, "Longa vida á materia" onde se explica dun xeito breve e didáctico o proxecto Alargascencia dende o punto de vista dun dos establecementos que participa. E por outro lado tamén se mostrará un corto de animación sobre electrónica ética.


            Durante todo o día, haberá organizadas distintas actividades.

  •        Mercadiño de troco, para o intercambio de roupa.
  •          Campaña reutilizando papel “duas caras, dous usos”- fai o teu caderno reutilizado na  mesa da  Oficina de Medio Ambiente
  •         Exposición de recursos didácticos para a Enerxía Solar do CIFP Someso con Juan Bello
  •           Exposición sobre o Cambio Climático do CEIDA
  •           Mesa de divulgación científica sobre invasoras coa UDC Big-Bang

              Feira de Asociacións
      Durante todo o día distintas asociacións presentarán as súas actividades na entrada da Facultade. ADEGA, GN- Hábitat, Amigos da Terra, MOBI-LIZA, Oficina de Cooperación e voluntariado, Oficina de Medio Ambiente, CEIDA,  Arquitectura sen Fronteiras, Mulleres colleiteiras, Espiga bioconstrución, CIFP Someso, Enxeñaría sen Fronteiras. 

Programa da xornada






MOBILIDADE SUSTENTABLE NAS UNIVERSIDADES




Dende a Universidade Autónoma de Barcelona, recibimos un proxecto para a mobilidade sustentable nas universidades europeas. 


Como universidade que somos, dende a Oficina de Medio Ambiente da UDC queremos unirnos a esta iniciativa  que plantexan. 

Existe unha Rede Europea de Universidades póla Mobilidade Sustentable, da cal vos deixamos o seguinte enlace.

O principal obxectivo do proxecto LIFE U-MOB é a creación dunha rede universitaria para facilitar o intercambio e transferencia de coñecementos sobre as mellores prácticas de mobilidade sostible entre universidades europeas. Esta rede pode servir como unha ferramenta para a redución das emisións de CO2, debido á mobilidade da comunidade universitaria.



Durante 2 ou 3 días, a Universidade Autónoma de Barcelona vai ser un centro internacional de transferencia de coñecementos e de redes entre universidades europeas sobre as prácticas de mobilidade sostible. UAB convida todas as universidades europeas a participar.



Animámosvos a participar! 

XORNADAS DE SUSTENTBILIDADE


Lugar: Facultade de Dereito
Campus Elviña
Data: 1 de decembro do 2016
Horario: 11:00 a 18:00h


Coma cada Nadal, a Oficina de Medio Ambiente organiza as xornadas de Sustentabilidade, e xa van sete edicións dende que comezamos. Este ano o lugar escollido será a Facultade de Dereito o 1 de decembro.
Ano tras ano, propoñemos diferentes obradoiros, coloquios ou exposicións e damos a coñecer diferentes  entidades ecoloxistas e ambientalistas da comarca que presentarán o seu traballo a prol dunha sociedade mellor, máis concienciada co medio ambiente e co noso planeta. 

          Ao longo da xornada tamén:

  •          Somos  punto de recollida de roupa e xoguetes con Equus Zebra.  Unha ONGD con sede na Coruña que pretenden axudar á promoción integral de persoas e grupos empobrecidos e excluídos.  Tamén se recolle roupa vella esta é enviada a reciclaxe!!


  •         Mercadiño de Troco. Se tes roupa que está en bo estado e xa non usas ou quedou pequena podes traela e trocala por outra. Así dámoslle unha segunda vida a roupa!!


  •          Somos punto de recollida de aceite coas Mulleres Colleiteiras. Este proxecto  ten como principal obxectivo o traballo de recollida, almacenamento, valorización e reutilización do aceite doméstico usado, realizado por mulleres en situación de exclusión social, como medio para incorporarse ao sector formal de autoemprego, ofrecendo unha proposta eficaz ao problema dos verquidos de aceite nas cociñas e ao aproveitamento dun recurso


  •           Reutilizaremos papel para facer cadernos na mesa da OMA


     Obradoiros:
      Durante esta xornada aprenderemos a facer xabrón e cosméticos naturais, a recoñecer pegadas de mamíferos,  coñecer a problemática das especies invasoras,  aprenderemos a leer as etiquetas dos diferentes alimentos, tamén calcularemos canto azucre levan os alimentos e procuraremos o xeito de escapar á obsolescencia programada.

     Feira de asociacións
     Na entrada da facultade de Dereito poderemos coñecer a diversas entidades ecoloxistas e ambientalistas.


Estamos elaborando o programa das actividades e rematando de confirmar a asistencia das entidades. Proximamente publicaremos o horario pero xa podedes ir reservando a data para gozar desta xornada da Sustentabilidade.

PROXECTOS DE VOLUNTARIADO AMBIENTAL NO MONTE DA FRAGA

Curso de interpretación do patrimonio


          Os próximos días 7 e 8 de novembro, a OMA (Oficina De Medio Ambiente da UDC) xunto coa asociación ecoloxista ADEGA, realizarán unha presentación dos proxectos de voluntariado ambiental en marcha no Monte da Fraga, no campus da Zapateira da UDC.

          Manuel Pimentel profesor de Ciencias da área de Botánicapresentará o proxecto Monte da Fraga. A continuación, María Lafuente, membro de ADEGA, presentará as actividades de voluntariado ambiental da OMA.

       Coma prato forte das xornadas, AraceliSerantes (Boli) profesora de Educación Ambiental na UDC e socia da AIP (Asoc. Para la interpretación del Patrimonio)impartirá o curso de“interpretación do patrimonio, como poder comunicar unha guía con éxito”.  Terá lugar un obradoiro para o deseño dunha rota con paneis interpretativos para o Monte da Fraga.

          Para participar nestas xornadas, é necesario inscribirse no e-mail: oma3@udc.es xa que as prazas son limitadas. Para calquera dúbida no tocante as actividades ou calquera outra cuestión, podes porte en contacto a través das distintas redes sociais como son Twitter OMA, na nosa páxina de Facebook ou seguindo este Blog.

Lugar: Salón de actos da Facultade de Ciencias da UDC (Campus da Zapateira)
Horario: luns 7 e martes 8 de 16:00 a 18:30
Inscrición: oma3@udc.es

Contamos coa túa presenza!